Ухаан бодолоо шэнэдхэхэ,

Урма баяраа бадаруулха

Шэнэ оршон ʏеымнай,

«Хʏʏгэн Баатар ба Дангина» гэhэн мʏрысѳѳмнай

Шэди хабань гайхалтай даа!

Манай гʏрэнэй эгээл hайхан уран бэлигэй тэмсээн, гол болохо «Хʏʏгэн Баатар ба Дангина» мʏрысѳѳндэ ʏхибʏʏднай хабаадажа туршаба.

Эдэнэй дунда:

1.     Эрдынеева Дарья, 6 наhатай;

2.     Цыденжапова Дари, 6 наhатай;

3.     Ширапов Радна, 4 наhатай

эдэбэхитэй хабаадаба.

Энэрхы уянхан эдирхэн басагаднай, эрэлхэг зоригтой эдир хʏбʏʏмнай эльгэ зʏрхэнhѳѳ нютагаархидтаа мэндэ амарые хʏргэжэ «Угаа залгуулан, хʏндэлэе» гэhэн шатада ѳѳрынгѳѳ тʏрэл буряад хэлэн дээрэ ѳѳр тухайгаа хѳѳрэжэ бэлиг шадабарияа ʏзʏʏлбэ.

Хоёрдохи шатань гэхэдэ, «Би бэрхэб» гэhэн уран бэлиг шадабариин мʏрысѳѳндэ дуулаха, хатарха дуратай сэлмэг сарюун шарайтай дангина басагаднай ба баатар хʏбʏʏмнай аглаг сээжэдэ арюухан дуунуудые бариба.

Тайзан дээрээ хатарха, дуулаха дуратай эдир залуу басагад, хʏбʏʏд, буряад зоноо суурхуулха одоол сэбэр хʏʏгэд бидэнэрые баярлуулжа сэнгʏʏлэбэ.

Энэ мʏрысѳѳнэй дʏнгʏʏд:

1.     Эрдынеева Дарья – I hуури, бэлдэhэн хʏмʏʏжʏʏлэгшэ – Доржижапова П.Ц.

2.     Цыденжапова Дари – II hуури, бэлдэhэн хʏмʏʏжʏʏлэгшэ – Шойропова Л.Б.

3.     Ширапов Радна – II hуури, бэлдэhэн хʏмʏʏжʏʏлэгшэ - Намсараева В.Б.

Yнэн зʏрхэнhѳѳ мʏрысѳѳндэ хабаадаhан ʏхибʏʏдээ ба бэлдэhэн хʏмʏʏжʏʏлэгшэдээ ʏндэр амжалтаар халуунаар амаршалнабди даа! Cаашадаа ушѳѳ ехэ амжалтануудые туйлахатнай болтогой! Иигэжэ буряад хэлэеэ дээшэнь ʏргэжэ, заншалта болоhон мʏрысѳѳндэ хабаадажа, ёhо заншалаа мартангʏй саг ʏедэ ябаял даа!

Ccылка на видео

Ccылка на видео

Ccылка на видео

Ccылка на видео